【在家工作小知識】
疫情下好多公司會安排WFH(在家工作)，以減低病毒傳播嘅機會，保障員工健康！WFH對於員工嚟講係爽嘅，最起碼朝早唔洗逼港鐵先啦，得閒又可以做下自己嘢，你懂的！在家工作都好有學問㗎，就等魚先生話你知WFH健康小貼士啦！
1. 見字坐直：有無發覺WFH日子耐咗開始肩頸僵硬呢！因爲座椅或坐姿唔好會令頭部自然向前傾，導致成個頸背呈現一個C字型弧度，容易駝背。而駝背又會造成頸部肌肉緊繃，輕則導致肩頸僵硬，重則更可能造成骨刺、五十肩和頸肩筋膜炎等，記得坐好啲個人！
2. 避免挨喺度做野：有無發覺條腰越嚟越酸痛呢？梗係啦! 因為當你坐直個人，身體重心會喺坐骨，而當你挨喺度時重心就會轉移到尾龍骨。當尾龍骨長期受壓迫，往後會造成椎間盤突出，久而久之骨頭邊緣就會增生，形成骨刺。所以儘量唔好挨喺度做嘢喇，都係嗰句，見字坐直！
3. 起身行下：長時間坐喺度唔單止會減少身體活動機能，仲好容易會恰眼瞓，嘗試每過一段時間就起身行下或者做下伸展活動，反而會提高對工作活力，減少工作疲勞導致勞損嘅機會！
4. 分配工作同休息時間：WFH雖然時間比較彈性，不過容易失去時間框架，每當集中起上嚟連過咗lunch time都唔知。公事係緊要，但休息時間都好重要，不妨好好分配工作同休息時間，專注時專注，休息時休息，唔單止可以提高工作效率
