「眼睛是靈魂之窗」，家長有時見到小朋友捽眼，會以為小朋友因為眼睛疲倦、眼乾，又或者視覺不清楚，所以不會即時糾正小朋友捽眼的習慣。其實小朋友捽眼的時候，有可能將細菌帶入眼睛，從而影響到眼角膜，後果可大可小！
根據香港大學眼科研究所調查顯示，每6位小朋友就有1位患有眼敏感的問題，主要致敏的原因是由於家中的塵蟎或污濁空氣，令眼睛痕癢及不適。長時間捽眼，有機會導致角膜變形，令散光的情況加深，更有機會令角膜出現錐形角膜，嚴重影響視力！
解決要從根本入手，阻截致敏根源，家長應注意家居環境，避免有過多的毛公仔、報紙雜誌等，減少塵蟎積聚；亦可以用塵蟎吸塵機為床單、枕頭袋、窗簾及地毯等進行清潔。想為眼睛止痕，先避免捽眼，再使用抗敏感的眼藥水或用冷水敷眼，讓腫脹的細胞穩定，如果仍未能止痕，就有機會要尋求醫生的協助！
