「點解痘痘肌持續無好轉？」
最近天氣凍左少少，最啱就係喺屋企打翻個暖笠笠嘅邊爐喇，唸起都流哂口水啊！！！不過正正因為經常打邊爐，搞到個人好熱氣。咁煩惱，不如等魚先生話你知點解痘痘肌持續無好轉，同經常性反覆發作可以點處理好！
痘痘肌除咗注意臉部清潔及保養外，需搭配正確飲食習慣。由內而外做起，改善痘痘肌嘅體質，減少長痘痘、臉部出油嘅情況！
以下有四大類食品要注意：
1）高升糖指數食物 e.g 澱粉質(麵包、米飯、麵條、饅頭)
-呢類型食品會引發血糖急速上升同下降，以便分解澱粉以及糖份消化之後嘅葡萄糖，但呢個劇烈嘅變化，都係導致肌膚出油及發炎，造成青春痘嘅主要因素
2）乳製品 e.g 牛奶
-牛奶有好豐富嘅蛋白質同鈣質，不過牛奶同時會含有少量嘅荷爾蒙，會刺激肌膚內分泌系統，令出油現象有機會更加嚴重
3）重碘嘅食物 e.g 有殼海產(花甲)，海藻類食物(海帶)等⋯
-其實食鹽都添加咗碘，唔好食太鹹就最好，攝取過多碘係會造成健康同皮膚問題
4）選擇優質油 e.g 魚油、椰子油或橄欖油等⋯
-攝取好嘅油脂係唔會讓痘痘爆發㗎，尤其係魚油，仲會幫助腦神經細胞維持健康、減少膽固醇、血液中過多嘅脂肪殘留
睇完以上注意事項，相信大家大致上掌握到點樣由內到外處理痘痘肌。希望大家繼續食得開心，皮膚靚靚！！！
