【過節食滯點算好？】
農曆新年期間相信大家每日都係以食為主，各式各樣既賀年食品真係好好味，但就好容易食過量而導致消化不良。不如等魚先生話你知消除飽脹感方法：
1, 茶/咖啡：當感到飽脹時，可以藉著茶裡面加速胃酸分泌嘅咖啡因同丹寧酸去幫助消化。當食物分解過程加快後，飽脹感覺就會降低！所以魚先生建議大家揀綠茶、薄荷茶、薑茶或檸檬茶；而咖啡亦係茶以外嘅另一個選擇
2, 乳酪/水果：乳酪含有益生菌，可加速腸道蠕動，排出宿便，減少脹氣情形；另外介紹返幾款幫助消化嘅水果：含木瓜蛋白酶嘅木瓜、含鳳梨酵素嘅菠蘿、仲含有奇異酵素嘅奇異果。呢三種水果有助分解食物中蛋白質嘅物質，有助於減少飽脹感！
3, 運動：不論係飯後散步或緩跑都能夠幫助消化。即使係單純企喺到或隨意走動下，亦有效防止胃酸倒流引起「火燒心」嘅灼熱感。所以下次食飽飯後，就唔好即時坐喺梳化到，起身行下啦！
4, 飯前多吃蔬菜水果：預先進食含有大量纖維嘅蔬果，提升少少飽肚之餘又可以避免之後食太多其他美食，同時對腸胃蠕動有幫助㗎！
睇完以上注意事項相信大家大致上都掌握到消除飽脹感方法。當然最有效方法都係要擁有良好嘅自我約束控制力，每次食到七成飽就夠㗎啦！
